Pisiniarnermut Malittarisassaq

Greenland Holding A/S, Greenland Venture A/S aamma Greenland Business A/S (Koncerni/Suliffeqarfik immikkoortortalik)

1. Aallaqqaasiut

Una nalunaarusiaq Greenland Holding A/S, Greenland Business A/S aamma Greenland Venture A/S-mi sulisunut atuuppoq, matuma kingorna “Koncerneni”.

Sulisut namminneq akisussaaffigivaat nalunaarusiap malittarisassaanik malinnaajuarnissartik.

2. Pisiniarnerup isumaa

Pisiniarneq imatut paasineqassaaq, sumilluunniit akiligassamik pilersitsisoq. Pisiassaappata imaluunniit sullissineruppata.

Aalajangiinerit tamarmik piginnaatitaanermut malittarisassat malillugit pisassapput (immikkut nalunaarusiaq malillugu)

3. Tunisisunut naatsorsuutigisat

Suleqatigiinneq pikkorissusermik tunngaveqassaaq, uppernassuseq aamma ileqqorissaarnermi malittarisassat nalinginnaasut atuutissallutik.

Naatsersuutaavoq neqeroorusiorneq isumaqatigiissusiorneq akiligassiinerlu piffissaq eqqorlugu pisassasoq tamatigullu allakkatigut uppernarsarneqarsimasassalluni akuerineqartassallunilu malittarisassat atuuttut malillugit.

Naatsorsuutaavoq kukkusumik nassiussinerit, kukkusumik akiligassiinerit assigisaallu tunisisumut aaqqinneqartassasut peqquteqanngitsumik kinguarsarnagit.

Tunisisup piffissarititaasutut isumaqatigiissutit eqqorsinnaanngippagit naatsersuutaavoq taassuma piniartoq kinguarsaaneqanngitsumik ilisimatittassagaa.

Tuniniaasut Koncernip nioqquteqarfinnut tunngasunik ilisimasaanut, akinut, ineriartortitsinernut unammillernermullu tunngasunut malinnaatitsissapput. Koncernip sulisui isumaqatigiissuteqaqqaarlutik attavigisarnissaat malittarisassaasariaqarpoq pingaarneq.

Tuniniaasut, piffissaq sivisunerusoq suleqatiginissaat siunertaralugu, pisiniarnermi pitsaanerpaanik atugassaqartitsisutut nalilerneqartut suleqatiginissaat anguniagaassaaq.

Tuniniaasunit nutaanit saaffiginninnerit aningaasaqarnermut pisortamut (CFO-mut) innersuunneqartassapput.

4. Piffimmi imaluunniit naamik

Koncernip kissaatigaa piffimmi pisiniartarnissaq tassa tuniniaasunit kalaallinit taakku akitigut unammillersinnaagaangata, ataatsimut naliliineq aallaavigalugu (aki, pitsaassuseq, qularnaatsumik nassiussisinnaaneq il.il.)

Piffimmi naammaginartumik neqeroorummik pissarsisinnaanngikkaanni pisineq nunani allani pisinnaavoq.

5. Pisineq

Pisiniarnermi suliaq pisiap annertussusaanut nalinganullu naapertuussarneqassaaq.

Pisiniarneq isumagineqassaaq atugassarititaasut isumaliutigilluarneratigut aammalu niuernerpalaarneq tunngavigalugu. Ataatsimut isigalugu maliliisoqartassaaq makku eqqarsaatigalugit piffimmi tuniniaasut, aki, pitsaassuseq, kiffartuussineq, nassiussisinnaassuseq, aserfallatsaaliineq, isumannaassuseq avatangiisillu. Periarfissaqartillugu toqqorsivimmi uninngatitsineq, pisoqalisinnaanerata aarlerinartua assartorneralu aamma pingaartitatut nalilersuutigineqassapput.

Pisiniarnerup pisariaqartitsineq akimut, pitsaassusermut naammassisaqarsinnaanerlu matussusissavaa – annerunngitsumik minnerunngitsumillu.

Pisariaqanngitsumik toqqorsiviit immerneqassanngillat, aningaasaqarneq ingerlatsineq isumannaallisaaneq imaluunniit akunnallisaaneq eqqarsaatigalugit pitsaaqutaanngippat.

Illup iluani isumalluutit imatut atorneqassapput koncernip sulisui suliaqarfimminni ilisimalikkaminnik paasisaminnillu avitseqatigiittassallutik.

Koncernip sulisui isumaqatigiissutit pillugit nipangersimasussaatitaapput. Nipangersimasussaatitaaneq isumaqarpoq sulisup isumaqatigiissut taassumaluunniit ilaa inummut allamut tuniniaasup unammillertaanut takuteqqusaanagulu eqqartoqqusaanngikkaa.

Koncernip sulisui isumaqatigiissutinut tatiginnittuussapput. Koncerni sinnerlugu pisiniartut tamarmik koncernip aallartitaatut isigineqarput, pisiniartullu tamarmik pisiniarnermi politikki una malillugu pissusilersussapput.

 

EXPORT
Atuaruk
PROJEKTER
Atuaruk
VENTURE
Atuaruk
INNOVATION
Atuaruk
GREENLAND HOLDING · A/S Boks 1434 · 3900 Nuuk · Grønland · GER: 11 81 31 27
;